نعمل “شنو” صحيح؟!

و قال الفكيك اول عبد الروهيم جملته الخالدة فى لقاء تلفزيونى تداولته مواقع التواصل الاجتماعى: نعمل شنو؟! الطائرة طافية الانوار..و طايرة فى الظلام!هو مفيش رادارات و لا ايه يا عم الحج؟ مفيش اجهزة "استطناع"..مراقبة..ماعندكوش سلاح حرب اليكترونية زى اللى عندنا له دار ده فى مدينة نصر مثلا؟لم اعد اتعجب..و لم اتعجب فى سنة 2009 عندما هاجمت بضعة الافات من البلطجية الجزائريين المشجعين المصريين و لم يستطيع رجال الشرطة السودانية البواسل المدججين بالعصى الخشبية القصيرة حماية اى من المصريين هناك!لاء و ايه..الناس كانت فرحانة هنا قوى اننا هانلعب فى السودان! على اساس اننا هانلعب فى استاد الكلية الحربية مثلا!المسألة مش التريقة و التنطيط على السودان..و هاضرب لكم الدليل حالا بانها حالة منتشرة عربيا..و بالذات فى مصر..صاحبة الثقافة المشتركة مع السودان يا زول!فاكر من حوالى شهرين كدة..لما سيادة اللوّز مراد موافى – مدير المخابرات العامة السابق– ادلى بدلوه..و اى دلو..تعقيبا على حادثة اغتيال مجموعة من المجندين على الحدود بين مصر و اسرائيل فى شهر رمضان الماضى؟"احنا كنا عارفين كل حاجة و راصدين كل حاجة و بلغنا كل الناس..بس اصراحة ارجالة..ماتوقعناش ان مسلم يقتل اخيه مسلم فى وقت تناول الافطار!"نعمل شنو..الطائرة كانت طافية الانوار و طائرة فى الظلام! مش عاملة زيها؟ التبرير السمج و القبيح و الجاهل!هه؟ كنا نتشل هنا و لا ايه؟طيب فاكر عزيزى القارئ فى 2007 لما محافظ الدقهلية احمد سعيد صوان قال ان انقطاع المياه المتكرر فى محافظته يحدث بسبب كثرة استحمام المواطنين؟مش تتشل هنا برضه؟ و لا ايه؟الم يقل رئيس وزراء مصر احمد نظيف فى 2009 اننا غير مستعدين بعد للديموقراطية؟! (و هى بالمناسبة لا تختلف كثيرا فى معناها عن فكر السلفيين الحالى "الديموقراطية اصلا حرام!")
الم يقل وزراء الداخلية و رجال المجلس العسكرى الواحد تلو الآخر: ماعندناش قناصة..و لم نطلق خرطوش واحد..بالرغم من الفيديوهات؟ ثم فيه داخلية مفيهاش قناصة؟الم يصرخ الجنزورى فى البرلمان: مصر لن تركع! لن تركع! ثم شاهدنا اجمعين خروج الامريكيين من المار عبر شاشة التلفزيون..لايف؟طيب خلينا فى محافظ كفر الشيخ الاخوانى الحالى اللى بيقول ان "اخونة الدولة هى الديموقراطية الحقيقية!" و هو نفسه اللى ابتكر فكرة انك تواجه العمال الغاضبين بـمقولة "انتم فلول و بيحرككم امن الدولة!" للتشويش على مطالبهم العادلة..
مش ده نفسه فكر "و هى اللى وداها هناك؟" و "ايه اللى مقعدها لساعة زى دى؟" و "ليه تلبس عباية على اللحم؟" و "تدريس اللغة الانجليزية مخطط غربى" و "دول عيال قابضين 200 جنية و شريط برشام و وجبة كنتاكى" و "فوائد البنوك ربا" (اللهم طبعا لو كانت لصندوق النقد الدولى)..مش ده فكر طرح 64 هدفا قوميا فى 100 يوم ثم الفشل فى تحقيق 95% منهم و القول بعدها ان "ماتقعدوش تدقوا له على الواحدة كدة بقى يا كماعة"؟اليست هى نفسها هراءات كالتى كان يهرف به القذافى و كالتى كان يخطرف بها محمد السعيد الصحاف؟اليس كل ذلك نوع من "العكاشية" و لكن مضاف اليها سلطة عليا؟ و هو ما يجعلها اكثر ضررا و فتكا بكثير جدا؟اليس الفكيك اول ابدو الروهيم محمد هوسين وزير الدفاع السودانى..و سيادة اللوّز مراد موافى و الفقيد معمر القذافى و الصحاف يتكلمون نفس اللغة؟ نفس اللغة السودانية المصرية الليبية العراقية؟ الم اقل لكم انها ثقافة و لغة عربية مشتركة؟!لغة "شنو نعمل؟ ماهى الطيارات بتطير واطية و هى طافية الانوار و الدنيا بالليل!!" (كان ناقص يقول بعدها "يا عم الحج")و انا اعمل لكم ايه صحيح؟ "اقطع نفسى؟" (بصوت فاطوطة)..بس اصراحة معاه حق! آه..كل المسئولين دول و غيرهم كتير قوى معاهم حق فى اللى هرفوا بيه! سواء قبل الربيع العربى او بعد الخريف العربى الوهابى المتأسلم..يعملوا "شنو" صحيح!! حاجة غريبة!