أكثر 10 معاكسات تحبها المرأه

هناك عده جمل  تحب أن تسمعها الفتيات سواء فى المنزل او فى الشارع او من زمايلها فى الجامعه  او من زوجها او خطيبها  تلك الجمل التى عندما تسمعها تزيد ثقتها مرتين ثلاثه  . واكيد  انتى ايضا لديكى جملك  التى تسعدك عندما تسمعيها من خطيبك او زوجك او والدك او “واحد بيعكسك فى الشارع ” اوعي تفهمي غلط  ققصدنا طبعا مش أنك بتسعدى بمعاكسته ولكن سعادتك بتكون لانه قالك جمله من جملك الخاصه لذا تعالي معنا في رحله صغيره  لمعرفة اكثر 10 جمل بتحبى تسمعيها .

لما سألنا بعض الفتيات فقالولنا:

اميرة محمد 20 سنه “انا بفرح قوى لما بسمع حد بيقولى انتى خسيتى ” لانها غير راضيه عن وزني الزائد ، بمعنى انه لو هناك فتاة نحيفه ستشعر بسعاده بالغه لو حد قالها أن  وزنها زاد .

اما رنا مصطفى  فقالت ان جمله “انتى شيك اوى النهارده ” هي الجمله الاكثر لطفأ  لاذنها .

 اما الجمله الثالثه فى ترتيب الجمل  هي “انتى عينيكى حلوه اوى ” وهذه جمله تحب ان تسمعها فتيات عده منهم ساره احمد 20 سنه .

اما الجمله الرابعه  فهي “انتى احلى بنت شوفتها .او احلى واحده فيهم ”  حيث اجمع عليها اكثر من 7 بنات من اصل 25 بنت سالناها عن احسن الجمل التى تحب ان تسمعها.

واما الجمله الخامسه فهي  “انتى محلوة النهارده ” .

وقد أشار نادية محمد بأنها لا تحب ان تسمع الشباب اصلا بس ان كان ولابد ممكن  جمله ” انتى دماغك حلوه ” فهي الجمله المحببه لاذنها.

و اما الجمله السادسه فهي  “انتى بتصورى حلو ”  حيث قالت لوجين 21 سنه انها  تحب هذه الجمله كثيرا  مضيفه بانها تحب الجمل التى تثنى على قدراتها اكثر من الاعجاب بملابسها او بلون عينيها .

 اما زينب ابراهيم  18سنه فقالت انها تسعد كثيرا حينما تسمع احد يقول لها ” هى الحلوه مخطوبه ولا ايه ؟؟” 

اما سلمى حداد فقالت ان اكثر شئ تحب ان تسمعه عندما  يقوم احد بتدليعها باسم نونو ” 

 اما كلمه “يا فراوله ”  فتقول امل مجدى  انها تعشق سماعها لان وجهها احمر كالفراوله او ان يدلعها احد  بمولا “

اما عن الفتيات المرتبطات فجميعهن اجمع على جملتين لاثالث لهم اولا ” انتى البنت الوحيده اللى فاهمانى ”  او  “انا بغير عليكى  “ومنها يشتق متكلميش فلان  ”  لانها تشعرها بغيره حبيبها عليها او ” خلى بالك من نفسك ” 

 اما ريم مصطفى تقول انها تحب ان تسمع جملة “تسريحة شعرك حلوة ” وكذلك بتحب ان الناس تقول عليها “بنت فاهمه وعاقله او حكيمه ” بغض النظر عن الحقيقه .

 وبعد كده قولنا نسأل الشباب بما انهم هما اللى بيقولوا هذه الجمل فوجهنا بعض الاسئله للشباب فعندما يعجب احدهم بفتاة وتلفت نظرهم هناك بعض الجمل التى يرون انها يكون لها التأثير الفعال.. فيقول عمرو المشهور بعمرو الشاعر لازم احسسها دايما انى واخد بالى من تصرفتها وتعابير وشها واقولها انتى ذوقك فى اللبس حلو “حتى ولو حسيت ان لبسها عادى

 وقال عن نفسى اكتر حاجه بتعجبنى فى البنت “عينيها وابتسامتها وصوتها ” فممكن اقولها “عينيكى جذابه او صوتك حلو”

 اما عن ابراهيم الشهير ب “الدكتور ” قال ان اكترحاجه بيحب يقولها لخطيبته  هي ” انا وانتى واحد” او “اشعار توصفها ” “انتى النهارده اموره ” .

صحيح ان  البنات عموما بتحب تسمع الكلام الحلو وده مش لانها كائن ” طيب زياده ” ولا داعى لذكر اللفظ التانى ولكن ده لانها كائن حساس عطوف . اعتقادا من الشباب انه ممكن تصالحها بكلمه حلوة “ميعرفش انها بتعدى بمزاجها فقط لا غير ”  بالاضافه اليانها مش بتحب تفوت على نفسها فرصة سماعها لكلمة حلوة.. استمتعى حواء فى داخلك بهذه الجمل التى ترفع من معنوياتك دون الاهتمام بمن يقولها فقط انتى الاجمل.