بالفيديو..عمرو أديب لـ «صباحي»: الجيش لو عينه اتكسرت مصر كلها عينها هتتكسر

و أضاف أديب خلال برنامجه «القاهرة اليوم» عبر  قناة «اليوم» الفضائية ، “مش حمدين صباحي اللى عمل جبهة الإنقاذ، دي اتكونت من 26 حركة”، و تسائل : “مين كان له دور أكبر في إسقاط مرسي، حمدين صباحي ولا محمود بدر و تمرد”.

وأشار : “لما كان السيسي بيدى التحية لمرسي، كان رئيس مصر المُنتخب وقتها، فكان مُجبرًا، لكن أنت يا حمدين مكنتش مُجبر تروح تقعد معاه”.

كما ناشد أديب حملة «السيسي» بإصدار بيان ترد فيه على إهانة مرشحها والقوات المسلحة، و تسائل : “مين اللي كان نايم 3 شهور في الشارع معانا وقت حظر التجول، الجيش ده كان ممكن بعد 30 يونيه يقول خلاص يا شعب إنت خلاص حكمت أنا راجع الثكنات بتاعتي، و يسيبونا للكلاب الضالة اللي كانت في الشارع”.

و وأضاف : “لو شايف يا حمدين إن السيسي قاتل أو خاين قولنا من دلوقتي، ده إحنا هنجيبه رئيس جمهورية، إذا كان السيسي هيسكت إحنا مش هنسكت”.

يذكر ان حمدين صباحي، المرشح الرئاسي، قال أنه لم ولن يمس المرشح المنافس عبد الفتاح السيسي في شخصه، معربا عن احترامه لدوره الوطني الذي قام به في 30 يونيو، مضيفا أن خلافه معه في البرنامج الانتخابي أمر طبيعي: “ليس لدي انتقادات للمرشح المنافس وأتمنى ممن حاولوا تفسير كلامي على غير سياقه الانتهاء عن أفعالهم فبيوتهم من زجاج”.

 واعرب صباحي، خلال لقائه ببرنامج «مصر تنتظر الرئيس» على التليفزيون المصري، عندما قلت إن السيسي أدى التحية العسكرية لـ”مرسي”، بصفته وزيرا للدفاع، كان ردا على من هاجموني بسبب جلوسي مع الرئيس السابق قائلا: “لدي احترام حقيقي للسيسي”.