#شريف_مدكور يعطي درسا للمحجبات

وضع الإعلامي شريف مدكور قواعد لظهور المحجبات في برنامجه، موضحا الـ”دريس كود” الخاص بهن.

وظهر شريف مدكور في فيديو عبر حسابه على Facebook وضع له عنوان: أكيد كل واحد حر.. لكن اللي اختار أو اختارت حاجة معينة لازم يكملوها.

وأوضح شريف مدكور أنه لن يجعل أي سيدة محجبة ترتدي ملابس ضيقة تظهر في برنامجه، مشيرا إلى أنه يبلغ السيدات بذلك أثناء الاتفاق على الظهور في البرنامج.

وقال شريف مدكور: هي وجهة نظر من غير ما أزعل أي حد، ستات مصر بالنسبة لي هي أمي وأختي وببقى فخور وسعيد لما بيتقال أني مذيع ستات مصر دا تاج على راسي، الموضوع اللي هتكلم فيه حساس عن المحجبات، أنا في البرنامج عامل “دريس كود” بمعنى أي محجبة هتطلع في البرنامج لازم تكون لابسه ما لا يصف ولا يشف.

وتابع: ابتديت ألاحظ أن يجي ضيوف محجبات لابسين طرحة ومغطين راسهم ولابسين “بادي” وهما ممتلئات شوية وكل جسمهم متفسر، وبنطلون ضيق جدا وجزمة بكعب ومكياج كامل ورموش طويلة، كل واحد حر في لبسه مش هتدخل لكن دا مش هيطلع على الشاشة.

وعن “الدريس كود” قال: أي سيدة محجبة هتظهر في البرنامج تلبس فضفاض ومش ألوان صاخبة ولو بنطلون يكون واسع، بس في مش قادرين يستوعبوا دا وبيزعلوا، والرد دايما يكون أنت بتطلع ناس لابسين عريان وأنا باقول هما مش محجبات لكن اللي اختارت تكون محجبة دا فرض، المحجبة بتتنازل عن جمالها ومتبقاش ملفتة للنظر.

وحكى عن موقف حدث في إحدى الحلقات: ابتدى يحصل مشاكل وضيوف يزعلوا، من شهر كان معايا مدرسة بتقدم شو باليه، لقيت 4 بنات هيعملوا شو فيهم 3 بنات محجبات، لابسين ضيق وقفت التصوير ومدربتهم قالتلي هما علشان أتحجبوا ميرقصوش باليه، وردي كان أن الباليه ليه لبس محدد ورقصات لا تناسب المحجبة، مشيرا إلأى أنه سمح لهم بالعرض بعد بكاء الفتيات وكان يغض بصره أثناء الرقص.

وأكد شريف مدكور أنه ضد “البوركيني” لنفس السبب ووجه رسالة إلى زميلاته الإعلاميات المحجبات موضحا أنهن واجهة للمحجبات ويؤثرون على أي سيدة وعليهن عدم الظهور بمكياج ثقيل كما يحدث.