#رضوى_الشربيني: ضربت رجل عاكسني

كشفت الإعلامية رضوى الشربيني أنها تعتبر ابنتها الصغيرة تمارا بمثابة خليفتها في المستقبل.

وأوضحت رضوى في مقابلة مع الإعلامي إيلي نخلة ببرنامج “The Insider بالعربي” أن ابنتها الكبيرة تيا تتمتع بشخصية هادئة للغاية، بينما تعتبر ابنتها تمارا نسخة مصغرة منها.

وقالت: “تمارا هي اللي هتبقى خليفة رضوى الشربيني، بصوا أنا وقفت فين، هي هتكمل المسيرة، وهتشوفوا أيام جميلة”.

ومزحت رضوى الشربيني حول طريقة تفكير ابنتها: “هتبسطكوا أكتر مني، بتقول كلام أوحش مني، ماتقلقوش خالص”.

وتابعت: ” بتتكلم عن الرجالة بس برضه، معرفش ليه، وكل واحد تتخانق معاه تقول له أنا بنت رضوى الشربيني، عشان تأكد المعلومة، كأني مربياهم في البيت أنهم طالعين كارهين الرجالة، بنتي الصغيرة مضيعاني”.

وأكدت رضوى الشربيني أنها سعيدة بشخصية ابنتها الصغيرة المشاغبة، موضحة: “ده أفضل لأن بنتي الكبيرة هادية أوي وهانم ومؤدبة، خايفة عليها جدا بجد”.

ووجهت رضوى الشربيني عدة رسائل للرجال قالت فيها: “من فضلك أفهمني صح، أنا مش عدوتك لكن عدوة تصرفاتك الخاطئة تجاه البنات، كون رحيم بالست الموجودة في بيتك، ويا تكون رجل قد المسئولية ومحترم وتحترمها يا بلاها”.

وأشارت إلى أنها تنوي طرح قضايا أكثر جرأة في برنامجها خلال عام 2023، موضحة: “تناول جديد يا رب الناس ما تزعلش مننا بس لازم نطرق أبواب أكتر ومواضيع اجرأ بكتير، أنتظروا وشوفوا”.

وتطرقت رضوى الشربيني إلى حادث فردي لا تحب الحديث عنه وهو ضربها لأحد الرجال، موضحة: “الصحافة هتبهدلني وتقول رضوى الشربيني ضربت رجل”.

وأكدت: “دي حادثة فردية، هو كان بيعاكس معاكسة زيادة فاضطريت”.