#غادة_إبراهيم: اتجوزت في 2004 راجل مرتبه 1200 جنيه وفي الآخر كدب عليا وخاني

حلت الفنانة غادة إبراهيم ضيفة على برنامج “قعدة ستات” من تقديم مروة صبري عبر قناة “ألفا اليوم”.

وخلال اللقاء كشفت غادة إبراهيم عن أمور شخصية منها واحدة من زيجاتها التي انتهت بالخيانة رغم وقوفها إلى جانب زوجها.

وقالت غادة إبراهيم: أتجوزت واحد مفلس 7 سنين ووقفت جمبه لحد ما بقى كيان كان مرتبه 1200 جنيه في الشهر، ماما محضرتش كتب كتابي هي مكانتش راضية عن الجوازة، كان ليها رؤية ونظرة وياريتني سمعت كلامها.

وتابعت: أخويا حضر كتب كتابي وطنط سكينة السادات جات قالتلي أنا أمك متزعليش والله يرحمه شيخ الأزهر دكتور سيد طنطاوي هو اللي عقد قراني في المشيخة.

وأضافت متحدثة عن زوجها: كان مرتبه 1200 جنيه في الشهر، دا في 2004 ميكفوش حتى مواصلات، واتجوزته لأني رومانسية والحب عندي أهم من الفلوس المهم يكون في لغة مشتركة بينا، هو كان دكتور وفضلنا متجوزين لحد ما كذب عليا وخاني فانفصلنا.

وخلال اللقاء كشفت غادة إبراهيم أنها لا تفوت فرض الصلاة حتى أثناء الانشغال في التصوير.

وقالت: بصلي في اللوكيشن بس مش قدام الناس، بخلي المساعدة تقفل عليا الباب وأقولها متقوليش أني بصلي قولي أني مريحة.