#ميار_الببلاوي عن مشهدها الجريء: مكنتش عاوزة أصوره لأن كنا في الصيام.. ونجلاء فتحي قالتلي رمضان معمول عشان الفقرا

تحدثت الفنانة والمذيعة ميار الببلاوي عن مشاهدها الجريئة في فيلم “ديسكو ديسكو” الذي شاركت فيه ببداياتها الفنية.

وحكت ميار الببلاوي عن رفضها تصوير مشهد جرئ في الفيلم خلال نهار رمضان، وقالت في لقائها ببرنامج “قعدة ستات” من تقديم مروة صبري عبر قناة “القاهرة اليوم”: الفيلم كله متصور في رمضان وأنا عندي عقدة من موضوع رمضان دا، أه كنت شابة وبلبس عادي، لكن كان في مشهد مع عمرو عبد الجليل مكنتش عاوزة أصورة لأن كنا في رمضان لدرجة أني دخلت الحمام وقفلت على نفسي بالمفتاح وقعدوا يخبطوا عليا كنت مستنية المغرب يأذن قولت لنفسي حتى لو استغفر الله العظيم هعمل حاجة غلط ميبقاش في الصيام.

وتابعت لتحكي عن موقف الفنانة نجلاء فتحي وما فعلته لتقنعها بالتصوير وقالت: قلت للفنانة نجلاء فتحي مش عاوزة أصور احنا في رمضان وأنا كنت صغيرة عمري 17 سنة، فقالتلي رمضان معمول علشان الناس الفقراء، والناس الأغنياء بيعملوا نفسهم أنهم مش بياكلوا قدام الفقراء، رمضان بتاع الفقراء أحنا عندما أكل نصوم ليه”، مضيفة: كانت عاوزة تقنعني أني أعمل المشهد وأن الموضوع مش محتاج أعطلهم.