صاحب #انتش_وأجري يغلق الخط في وجه #إدوارد

واجه الفنان إدوارد موقفا غريبا أثناء تقديمه برنامج “القاهرة اليوم” بصحبة نانسي مجدي عبر قناة ألفا.

وأجرى البرنامج اتصال هاتفي مع هيثم أحمد، الشخص الذي ظهر في الفيديو الشهير بـ”انتش وأجري”، وبدأ الحوار بسؤال من إدوارد حول شعوره بعد النجاح المفاجيء الذي واجهه ورأيه في الأشياء الجيدة والسيئة التي ارتكبها في الفيديو المتداول.

وقال هيثم أحمد أنه سعيد بالنجاح موضحا: “أول إحساس عندي إني قدرت أسعد المصريين ولو بحركة ولو بكلمة”.

وتابع: “أينعم لفظ وهزار وشغل تيك توك، بس الحمدلله إني قدرت أسعد كل المصريين، اللي يهمني في العرب مصر بلدنا اللي بنفتخر بها”.

وقاطعته نانسي مجدي لتسأله: “أنت جبت سيرة مصر عشان تقول أنت بتسعد المصريين، هو اللي قلبه على بلده زي ما أنت بتتكلم كده، أنت تسعد المصريين بأي كلام حتى لو غلط؟ بتقول أينعم حركات وشغل تيك توك؟ يعني أيه؟ هي حاجة هينة أن الأطفال يتفرجوا على حركات وشغل تيك توك، ما هو ده اللي جايبنا لورا”.

رفض هيثم أحمد الرد على انتقادات نانسي مجدي، وقال: “شكرا يا فندم” قبل أن يغلق الخط، وسط دهشة إدوارد، فيما واصلت نانسي انتقاده قائلة: “بيسعد المصريين بتفاهة؟ زي ما أنت قلت بيعمل حركات بأنفه هو ده اللي بيسعد المصريين؟ لا اللي يسعدنا إن إحنا نشوف واحد زي زويل، عظماء في الطب، اللي بيروحوا الفضاء، ده اللي فعلا بيخلينا مبسوطين كمصريين، الإنجازات الحقيقية مش شغل تيك توك”.

وأشار إدوارد إلى فيديو متداول آخر، متحدثا عن أحمد سالم، المطرب الذي ظهر وهو يغني أثناء ممارسة مهنته كنقاش، ليحقق نجاح كبير ويلقى دعم الجميع، وقارن بينه وبين هيثم أحمد قائلا: “إيه ده؟ إيه اللي إحنا شايفينه؟ يعني بكرة هنلاقي فيلم انتش وأجري”.

وردت نانسي مجدي بضرورة عدم منح هؤلاء الأشخاص الاهتمام، حتى لا يصبحوا من المشاهير، ليؤكد إدوارد على دهشته من المداخلة الهاتفية، موضحا: “الذوق العام بقى في الحضيض، إننا نركز في حاجات زي كده، أتمنى الناس من جواها تغير الصورة، أتمنى تكلمونا نعرفكم رأيكم في الموضوع ده، لإننا كلمنا الواد مقدرش يستحمل أنه حتى يتعاتب، وده معناه أنه دخل في حتة الغرور والشهرة وإن محدش ينتقدني”.