#عفاف_شعيب: مش فاهمة إيه المشكلة أني ألبس ألماني

علقت الفنانة عفاف شعيب على السخرية من تصريحاتها الأخيرة حول ارتدائها لملابس مصنعة في ألمانيا وحيرتها منذ قرار الحكومة المصرية بوقف الاستيراد.

قالت عفاف شعيب: “معلش ومش عاوزة حد يزعل مافيش مقاس في الصناعة المصرية، أنا بقيت بلف مصر كلها عشان اجيب بلوزة أو جاكت أو بنطلون وبجيب من محل بيجيب ملابس ألماني، هو الوحيد المظبوط، ولبسي شيك ومحترم، مبلاقيش البدل اللي أنا عايزاها إلا في الملابس الألمانية، هما عاوزني أمشي مجربعة ولا إيه؟”، حسب حوارها في برنامج “كلمة أخيرة” الذي تقدمه الإعلامية لميس الحديدي عبر شاشة ON.

كانت عفاف شعيب قد تطرقت إلى هذا الموضوع خلال حوارها مع الإعلامية ياسمين عز ببرنامج “كلام الناس” على قناة MBC مصر، موضحة أنها اعتادت السفر وشراء ملابسها من الخارج، وحاليا تواجه صعوبة في العثور على ما يناسبها بسبب صعوبات الاستيراد.

وتحدثت عفاف شعيب عن عدم تكريمها في مهرجان القاهرة للدراما قائلة: “مش أنا الي زعلت على عدم التكريم، الناس اللي زعلت وفيه ناس أتصورت معايا وقالولي أنتي اصل الدراما العربية ولم يتم تكريمك، ولكن التكريم من الله ومش أنا بس يعني كفاية أن الفنان الكبير رشوان توفيق لم يدعى ولا عفاف رشاد”.

وتابعت: المفروض كل ذي حق ياخذ حقه، فيه ناس كتيرة كانت تستحق وناس لاتستحق، وفيه ظلم بين ولكن أنا شخصياً مش محتاجه التكريم واتكرمت كتير وعندي شهادات، مش عارفة احطها فين، لكن زعلي على الفنانين الآخرين فين كمال ابو رية وأحمد عبد العزيز”.