#إلهام_شاهين: مبحبش العيال الصغيرة وبحب الراجل الناضج

كشفت الفنانة إلهام شاهين سر تفضيلها الزواج ممن يكبرونها في السن بفوارق عمرية كبيرة، موضحةً: «عشان أنا بحب العقل الكبير والشخص الناضج، ولما تزوجت في العشرينيات كنت أحب أن يكون الرجل في الخمسينيات».

وأضافت شاهين خلال حوارها مع الإعلامية بسمة وهبة مقدمة برنامج «العرافة»، على قناة المحور: «بحب عقل الراجل وإنه يبقى قوي ومسؤول وناضج وأعمله حساب، وعشان كده لم أكن أنجذب إلا الرجل في الخمسين من عمره عندما كنت في العشرينيات».

واعترفت إلهام شاهين أنها تعيش قصة حب: «طول عمري بحب ومبعرفش أعيش من غير قصة حب.. عموما أنا مبحبش العيال الصغيرة وأحب الراجل الناضج المستقر الهادئ والمفكر، أما الشاب الصغير فإنه سيفتقر إلى هذه الأشياء.. أنا مش عايزة راجل صغير أتنطط معاه وأروح الديسكو، أنا مش بتاعة الكلام ده، لكن أنا بحب أقعد قعدة رومانسية».