أبرز تصريحات #حمو_بيكا المثيرة للجدل

حل مطرب المهرجانات حمو بيكا ضيفا في مداخلة هاتفية مع برنامج “تفاعلكم” على قناة “العربية”.

ورد حمو بيكا، على الاتهامات التي وجهت له بشأن إدعائه المرض وعن آخر تطورات حالته الصحية وأزمته مع نقيب المهن الموسيقية هاني شاكر وهو ما سنرصده في النقاط التالية..

– أنا بخير وأحسن من الأول كتير ولا أحد يتخيل أن المرض الذي أُعاني منه يؤذي الشخص لأي درجة.

– أعاني من مرض الكرون النادر منذ 7 سنوات ووقفي عن العمل يمنعني من تلقي العلاج.

– كنت باخد حقنة بـ130 ألف جنيه وبعد توقف شغلي مش عارف أجيب فلوسها منين وحالنا واقف.

– فيه ناس فاتحة بيوت من ورايا وبياكلوا عيش من الغنا بتاعي ومش عاوز حد يبكي أو يتعاطف معايا.

– أنا عملت مشروع مطعم وحطيت فيه كل فلوسي فيه وخسرت والناس بتشوف مظاهر بس وبيقولوا أننا معانا ملايين ولكن هذا غلط.

– مفيش تنمر في المرض اللي عنده كلمة حلوة يقولها أنا مريض وكل جزء في جسمي بيخس إلا بطني لأن مشكلتي كلها في بطني.

– لن أعتزل عشان أنا بحب أغني والنقابة منعاني أغني وبغني في كل مكان في العالم إلا في مصر.

– فيه ناس لا تصلح للغناء لكن عندها جمهور ومفيش غير ربنا هو اللي هيحل أزمتي مع هاني شاكر.

– هاني شاكر مش بيسمع لحد وكل ما أكلمه يقولي روح أتعلم وأتدرب.

– في كل تصريحاتي لم أغلط في هاني شاكر وبقول إنه على دماغي وأقول لعمر كمال الله يسهله حاله.