#رانيا_يوسف: أنا الوحيدة اللي إتجوزت منتج ومفادنيش

أكدت الفنانة رانيا يوسف أنها حرصت على مدار مشوارها الفني على الاعتماد على موهبتها فقط، وبناء الثقة بينها وبين جمهورها، وذلك بالرغم من زواجها من منتج في فترة سابقة.

وخلال حوارها مع الإعلامية إنجي أنور في برنامج “مصر جديدة” المذاع عبر قناة ETC، قالت رانيا يوسف: “أنا شخص طول عمري لا أبحث عن الأدوار السهلة وأبحث عن الحاجة الصعبة، ويمكن عشان كده لم أعتمد على إني إتجوزت منتج ممكن يساعدني، ولا بمكالمة تليفون واحدة.”

وأضافت: “أنا شايفة إن ربنا مش بيضيع مجهود حد، اشتغلي واتعبي ومع كل شغل تكتسبي خبرة وتضيفي لموهبتك وتبني ثقة بينك وبين الناس. لو الواحد في حد بيساعده طول الوقت زي ما بيطلع بسرعة بيقع بسرعة، لإن الأساس والخبرة مش موجودة، وموهبته طول الوقت هيكون مشكوك فيها، وهيقولوا بقت نجمة عشان جوزها بينتج لها أو بيخرج لها.”