تدهور الحالة الصحية للمطربة #رحمة

كشفت المطربة رحمة تطورات حالتها الصحية بعد اسبوعين من إعلان إصابتها بكورونا.

وعبر حسابها على Facebook، كتبت رحمة “آخر التطورات أنا ثعبانه جدا جدا يا جماعه و شكلي هاسبقكم و الحمد لله رب العالمين ووالدتي ربنا يتولها و جميعا آمين شفتوا التآخير عامل فيه إيه والناس اللي ألف بعد الشر عنك لا يا شيخه ماتتوهميش و الكلام اللي وداني في داهيه ده إن التعب زايد عليه جدا و خصوصا في صدري الرئتين و ضربات قلبي ونفسي”.

وتابعت “رحت أنهرده لدكتور الصدر لأني تعبانه جدا و لله الحمد كله تعبانه جدا جدا جدا (( قالي الفيروس نزل علي الرئتين ))و لله الحمد كله علي كل حال و علي اي حال كاتبلي على كورتيزون و أدويه للقلب لأن ضربات قلبي زايده جدا و صوتها عالي .. غير محتمله بجد ربنا مايوريش حد أبدا يا رب الحمد لله رب العالمين علي كل حال و علي اي حال”.

وأضافت “من فضلكم أي حد يتعب مايقولش ده دور برد ومش معقول يجيلي و أنا حابس نفسي في البيت لا حضرتك جالنا و أحنا محبوسين في البيت زياره من أحد الأقارب في العيد(( عدي البيت كله )) وعلي فكره لحد دلوقتي هوه مش تعبان هوه نقل فقط سبحان الله العلي العظيم أتمني للجميع إنكم تحذروا و يا رب ماحدش يشوفها أبدا و الناس كلها يا رب و أن يرفع عنا و عن البشريه كلها هذه المصيبه”.

وكانت المطربة رحمة قد أعلنت إصابتها بفيروس كورونا وعائلتها مطلع الشهر الجاري.

وقد طرحت مؤخرا أغنية بمناسبة عيد الأم “ما تتعوضيش يا أمي”، الأغنية كلمات وتلحين رحمة، توزيع طارق عبد الجابر، ميكس و ماستر محمود علاء.