#صلاح_محسن: معنديش أي مشكلة مع #الأهلي في الجلوس على الدكة

أكد صلاح محسن، مهاجم الفريق الأول لكرة القدم بالنادي الأهلي، أنه يعيش أفضل لحظات حياته داخل القلعة الحمراء، مؤكدًا أنه دائمًا ينتظر الفرصة من أجل إثبات نفسه أمام جماهير النادي.

وقال صلاح محسن، في مداخلة مع الإعلامي سيف زاهر، عبر قناة أون سبورت: “معنديش أي مشكلة مع النادي الأهلي في الجلوس على الدكة، المهم أن نسير بشكل جيد، والحمد لله لما أخدت الفرصة عملت اللي عليا، ومستني أي فرصة مرة أخري ومقدرش أفرط في حاجة زي كدا مع النادي”.

وتابع: “صفقة انتقالي للأهلي هي الأغلى في مصر، وأنا مليش ذنب فيها خالص، وتعبتني فترة، بس اللاعب اللي عنده موهبة لازم يفكر في مستقبله، ومستني الفرصة لإثبات نفسي، وإن شاء الله الفترة المقبلة أقدر أقدم حاجة كبيرة للنادي الأهلي”.

وأضاف: “أنا برتاح طبعا في مركز المهاجم الصريح، أنا في إنبي كنت بلعب مهاجم وساعات جناح، لكن مركز المهاجم هو الأكثر راحة بالنسبة لي، ومعنديش مشكلة ألعب جناح ولعبتها مع كابتن حسام البدري في الأهلي، ودلوقتي مع مستر فايلر بلعب جناح، والراجل واثق فيا وقالي أنت موهوب وهيشتغل معايا ومن هنا كمان لا برة، وقالي لازم لما تشارك تكون جاهز، وأنا قولتله أنا معاك في أي وقت، وده اللى بشتغل عليه الفترة المقبلة”.