فن
بعد حملات المقاطعة.. #محمود_العسيلي يدافع عن نفسه
انطلقت خلال الساعات القليلة الماضية حملات كثيرة هدفها مقاطعة حفلات وأغاني الفنان محمود العسيلي، بعد إحراجه لشخص في أحد حفلاته لمجرد إنه طلب التصوير معه، وشعر العسيلي أنه في مأزق وأن هذا الموقف يهدد نجوميته.
وقرر العسيلي الإعتذار بشكل رسمي من خلال حسابه على “فيسبوك”، فكتب: “أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه.. باعتذر بشدة لكل الناس اللي اتضايقت من الفيديو اللي انتشر و باعترف أني كنت غير موفق تماما في اختيار الألفاظ ولكن الصورة والله ناقصه و ان كل نيتي عدم تمييز حد عن حد أثناء الحفلة”.
وأضاف: “انا اسف مرة تانية… النقطة التانية انا حاولت أقول للشخص اللي انا كنت باكلمه ان ماينفعش نتصور عشان الناس دي كلها لازم تتصور تلات مرات برا الميك ولكن هو كان لحوح جدا ومصمم وكان صوته عالي جدا وبيزعق وانا مش عارف اغني فللأسف قلتله كدا بحسن نية وللأسف كل الكلام دا مش باين في الفيديو”.