وزير التعليم للنواب: تذكرة حفلة عمرو دياب بـ 20 ألف جنيه وإحنا مش لاقيين فلوس نطور بيها التعليم!

النص الكامل لكلمة الدكتور طارق شوقي وزير التربية والتعليم، التى اعترض فيها على مجانية التعليم ونظام التنسيق الحالي، في كلمته خلال اجتماع لجنة المشروعات الصغيرة بالبرلمان حول دعم التعليم الفني.

وإليّ نص الكلمة:

“مجانية التعليم تحدد قدرتنا علي الحركة، اللي كتب الكلام دا عام ١٩٥٢ مكنش يعرف إن مصر هيبقي فيها هذا العدد من السكان، إزاي عندنا إصرارنعلم الخايب الشاطر زي بعض، و أنا بسأل اللي بيتكلموا عن العدالة الاجتماعية في هذة النقطة، يعني ايه عدالة اجتماعية، هل أضيع الكل لما أدي للشاطر زي الخايب، لأ أنا مش مع هذا النوع من العدالة ولا مؤمن بيها، فكرة العدالة المبسطة دي فيها ظلم فاحش، ظلم اجتماعي متساوي، فَلَو انتواعاوزين تصلحوا بجد، لازم تناقشوا هذه الأفكار”.

“مجانية التعليم مينفعش تتساب بدون نقاش، لازم تناقشوه، لو فضلنا عايشين بدا نبقي بنضحك علي نفسنا، هنفضل عايشين كده لأمتي، ثم مفيش مجانية، اللي بيدفع الفاتورة الدولة و الأهالي، الفاتورة اللي بندفعها مع بعض ٢٠٠ مليار جنيه، و مش بتروح في المكان الصح، والناس ممكن تدفع لأى حد إلا الحكومة، ثم سؤال للي بيقول لنفسه ملك الكيمياء، مين اللي خلاك ملك الكيمياء معاك شهادة بتقول كده ؟”.

وتابع : “حفلة عمرو دياب وصلت لـ ٢٠ ألف جنية للتذكرة، واحنا مش لاقيين فلوس نطور بيها التعليم، ولما نتكلم عن مجانية التعليم و ضرورة إعادة النظرفي المصطلح، الناس ممكن تحدفنا بالطوب، الرئيس نفسه كان بيقول هنحل مشكلة الكثافة ازاى”.

” ثم لو جيت قلت نلغي التنسيق الناس تعمل ثورة علي طول، لإن نظام التنسيق هو اللي بيطلع الناس اللي قاعدة علي القهوة، لإنه بيطلع تجارة إنجليزي و حقوق إنجليزي بمئات الآلاف، في حين إن سوق العمل مش محتاجهم، لو احنا حددنا احتياجاتنا بغض النظر عن التنسيق بيضخ كام كانت اتظبطت