الراقصة برديس تقلب الأجواء في مواقع التواصل بهذا القرار

اثار بوست الراقصة برديس، على شبكات التواصل الاجتماعي، حالة من الجدل الكبيرة خلال الساعات الاولي من يوم الثلاثاء.

كانت قد اعلنت “برديس” على حسابها الشخصي بموقع “فيس بوك”، اعتزالها الرقص الشرقى، حزنًا على رحيل الراقصة “غزل”.

وكتبت الراقصة الشعبية، :”لكل حبايبى وإخواتى وأصحابى اللى بيحبولى الخير أحب اقولكم أنا اعتزلت الرقص الشرقى تماما وقرار لا رجعة”.

وأضافت: “بجد أد إيه الإنسان لسان فى ثانيه عند ربنا وأنا كنت على علم بكده بس بجد الواحد كان فى غفله قسما بالله إن أول مره أفقد حد كنت بشوفه قدام عيني من نفس المجال والله العظيم من يوم سماعى الخبر وأنا مدمره وعدم حضورى الجنازة والله العظيم كنت خارج مصر بس الله يرحمها وقطع لسان أي حد يجيب سيرتها”.

وواصلت:” محدش عالم بظروف حد إلا ربنا فالحمد لله ده قرارى بجد وعلى فكره أنا مش لبسه الحجاب أنا عايشه حياتى بالتزام وعايشه سنى اللى بيضيع منى فى مجال كله ياله نفسى وربنا يديني الخير ويديني الذريه الصالحه وأنا مش مسؤلة عن أى صفحه تنزل صور ببدل أو أي فيديوهات أو أي كليب نزل او هينزل دي حاجات قديمه انا صفحتى دى الشخصيه، وأنتو كلكو أصحابى وبحبكم. ربنا يحسّن خاتمتنا وموت الغفلة ويهدينا جميعا”.