السيسي للمصريين: استحملوا معانا شوية

أشاد الرئيس عبدالفتاح السيسى، بقدرة الشعب المصرى على تحمل الإجراءات الاقتصادية.

وقال الرئيس السيسى، “شعب مصر صلب جدا وقادر جدا، لكن علشان ناخد مكان على خريطة العالم، ده أقصى من كده وأصعب من كده وأكتر من كده ويجب أن نتحمل علشان ناخد مكانتنا الحقيقية”.

وحول مصانع قطاع الأعمال، أضاف الرئيس السيسى خلال كلمته بمؤتمر الشباب فى دورته الرابعة والمنعقد بمدينة الإسكندرية، “دولة فيها 100 مليون إنتاجها لصالح شعبها يبقى بالمستوى ده، طيب لما نعمل إصلاح حقيقى لهذه الشركات اتفرج كمان سنة أو اثنين هاتلاقى الدنيا مختلفة خالص حتى جودة المنتج اللى طالع ستكون مختلفة”.

وبالحديث عن حتمية اتخاذ قرارات الإصلاح الاقتصادى، أكد الرئيس “حتمية القرار كان علشان جدارة وقدرة الدولة المصرية ولن يتحقق لها هذه الجدارة إلا بحل مشاكلنا بشكل حاسم علشان نطلع لقدام، ولو رجعت الأمور مرة ثانية لم يكن لدينا أى خيار سوى اتخاذ هذا القرار، فاستحملوا معانا شوية”.