السيسي من أسوان: لو استقر قطاع السياحة خلال الـ40 عامًا الماضية لكفى مصر

أكد الرئيس عبد الفتاح السيسي، أنه إذا كان قطاع السياحة مستقرًا على مدار الأربعين سنة الماضية لما كانت تحتاج الدولة لشىء آخر سواه، متابعًا: “لو كان مستقر كان يكفى مصر، ومكنش الدولة هتحتاج إنها تعمل أى حاجة”.

وأضاف السيسي خلال فعاليات اليوم الثانى للمؤتمر الوطنى الثالث للشباب ، أن أهل الشر يريدون القضاء على الخير الذى يتم القيام به داخل الدولة، مضيفًا: “مبيرحمش أخوه المصرى ومستعد يدوس عليه علشان يهدها.. لازم تنتبهو للكلام ده علشان أنا معنديش مصلحة أبدا غيركم”.

وأوضح الرئيس السيسي، أن حب الوطن بالإخلاص له وليس كلام فقط، مضيفاً: “أنت هنا فى الصعيد حاسس إن الدولة مقصرة معاك وغفلانة عنك، لكن الفكرة كلها إن البلد تقدر ولا متقدرش، ولو قدرت ومعملتش تبقى مش كويسة، ولو معاها وبخلت على أهلها تبقى مش كويسة”.

وعن معرفته بأهل الصعيد، قال الرئيس: “أنا عارف الصعايدة من الحى اللى كنت ساكن فيه، أنا شفت الصعايدة وعزة نفسهم وكبريائهم، والله العظيم مش بقول الكلام مجاملة، الصعايدة كانوا بيخلوا بالهم من بعض فى الحماية، ومحدش يأذى حد، لكن حد يأكل حد لأ.. كل واحد بياكل بدراعه”.