بالفيديو.. المكالمة التي تسببت في إعدام حبارة

ننشر المكالمة التى جمعت بين الإرهابى عادل حبارة، وأبو عمر الدمياطى الذراع الأيمن لأبو بكر البغدادى، زعيم تنظيم “داعش” الإرهابى فى العراق والشام، التى تكشف عن مبايعة الإرهابى المعدم لتنظيم داعش الإرهابى، وتخطيطهم لتأسيس كيان للجماعة الإرهابية فى مصر، بعدما نفذت مصلحة السجون حكم الإعدام به عقب صدور حكم عليه نهائى بات بإعدامه فى قضية مذبحة رفح الثانية، التى أسفرت عن مقتل 25 جنديا من قطاع الأمن المركزى، وسط إجراءات أمنية مشددة.

وكشفت المكالمة الهاتفية التى تمت فى 2013 بين العنصرين الإرهابيين، وأذاعها الدكتور عبد الرحيم على، عضو مجلس النواب، خلال لقائه بالإعلامى خالد صلاح، رئيس مجلس إدارة وتحرير اليوم السابع، ببرنامجه “على هوى مصر”، المذاع على فضائية النهار One، رغبة تنظيم “داعش” فى ضم مصر إليه مقابل منح “حبارة” 10 آلاف دولار، كما كشفت مبايعة عادل حبارة وجماعته المهاجرين والأنصار، لأبو بكر البغدادى.

وجاء نص المكالمة كالتالي:
حبارة: السلام عليكم

الدمياطى: عليكم السلام ورحمة الله وبركاته مولانا

حبارة: أيوه يا حبيبى أيوه

الدمياطى: فينك يا مولانا.. أنا كل ما أكلمك تعمل معايا كده والخط يقطع.. كلمتك على الشبكة بردوا مبتردش عليا

حبارة: مش أنا اللى بعمل الشبكة هى اللى بتعمل أعملك إيه.. أخبارك إيه يا حبيبى.. يا عم أنا هفرتكلك كل الشبكات اللى هنا مخصوص علشان خاطرك.. أنت أخبارك إيه؟

الدمياطى: شغال بالـtnt وشغال بالتفخيخ وكلوا

حبارة: الله المستعان ربك ييسر الخير.. المهم طمنى عليك.. طمنى عليك

الدمياطى: أنا تمام يا عم الشيخ.. نفسى أتكلم معاك يا عم الشيخ.. مش عارفين نتكلم معاك

حبارة: ربنا يحفظك يا عموره أقسم بالله واحشنى

الدمياطى: أنت أكتر يا عم الشيخ.. ربنا يباركلك يا رب.. أبو صهيب كان بيكلمنى النهارده وبيقولى ممكن يجيلنا يقعد أسبوعين هنا يتدرب ومش عارف بس أنا عاوز أتكلم معاك كلمتين الأول

حبارة: اتفضل قول

الدمياطى: دلوقتى الشيخ أبو بكر البغدادى كنت قاعد معاه وكنت قاعد مع الشيخ عمر الشيشانى، وهما عاوزين يفتحوا شغل ويدعموا الشباب اللى عندكم

حبارة: طب يا عم يا ريت أقسم بالله

الدمياطى: اسمع يا عم الشيخ هو إدانى 10 آلاف دولار، وقالى اتواصل مع الشباب وشوف هما عايزين إيه وايديهم الـ10 آلاف دولار دول ويشتغلوا ويورونى مجهودهم ويعملوا فيديو ويبايعوا أبو بكر وهنبعت لهم الفلوس واللى هما عايزينه

حبارة: طب يا عم الله المستعان الله المستعان.. أنت إيه رأيك أنت.. بتسمع الأخبار أنت؟

الدمياطى: مش سامع الأخبار أنا مش متابع التليفزيون

حبارة: طيب طيب ماشى ماشى الله المستعان.. مش هينفع علشان إيه عايز نتقابل علشان أعرف أتكلم معاك صح.. طيب اسمع أنت اسمع طيب أنت.. الناس محتاجين دعم بكل ما أتويت من قوة.. تعرف عملوا إيه فى البلد عندنا فى الشرقية.. راحوا على أخ فضرب عليهم نار قتل اتنين.. سامعنى؟.. راحوا على الأخ فطخ عليهم قتل منهم اتنين وقتلوه.. واخد بالك وخدوا أخوه بردوا وضربوا أخوه بالنار.. وصفوا الأخ.. خدوا اتنين كانوا بايتين معاه وضربوا زوجته

الدمياطى: اذبحوهم اذبحوهم يا أبو عائشة.. اذبحوهم يا شيخ دبحوهم واحرقوهم حرق يا شيخ

حبارة: يا أخى أنت عارف بفضل الله عز وجل.. اللهم لك الحمد والشكر يا رب.. أنا هقولك على خبر رهيب رهيب رهيب.. بس لما أقعد معاك على النت.. أخوك بفضل الله عز وجل اللى عمله بفضل الله عز وجل بفضل الله

الدمياطى: تمام تمام.. عم الشيخ أنت بتبايع أبو بكر ولا مبتبايعش أبو بكر

حبارة: أنا أبايع أبو بكر.. ومستعد كل الأخوة اللى معايا بفضل الله عز وجل

الدمياطى: تبايع دولة الإسلام

حبارة: أيوة أيوه أيوه.. دولتنا الدولة اللى بناها أبو مصعب المزرقاوى

الدمياطى: اسمع يا عم الحاج.. أنا الأسبوع ده هبعت لك 10 آلاف دولار يجولك لغاية عندك

حبارة: طيب ماشى ماشى الله المستعان.. اسمع قبل ما تبعت قولى علشان عاوز أديك اسم الأخ تبعتهم عليه

الدمياطى: لا بص أسمع.. اسمع منى.. أنا هتصل عليك عندك فى سيناء هما موجودين عندك.. هما موجودين علشان هيوصلوا ليك.. هيقلولى وصلى هدهملهم فاهم المقصود إيه؟

حبارة: طيب ماشى.. المهم بس أهم حاجة.. مش عاوزك تربطنى بأى حد فى سيناء

الدمياطى: لا لا لا الناس هنا مظبوطة يا عم الشيخ.. يعنى أخ هيكون معايا هنا يمكن أنت تعرف اسمه “أبو عبيدة المصرى”

حبارة: منين.. هو منين؟

الدمياطى: أمير محمد عندنا يا شيخ

حبارة: منين؟

الدمياطى: إسكندرانى هو كان مع الشيخ أيمن

حبارة: أيـــــــوه.. بس بس هو ده اللى أنا.. لا بص يا عمر.. اسمعنى سامعنى؟

الدمياطى: مالك؟ سامعك

حبارة: أنا شفت اللى عمرى ما شفته فى تاريخ حياتى من سيناء وناس سيناء.. علشان كده أنا بقولك ما تربطنيش بأى حد من سيناء بس

الدمياطى: متخفش الجيش واقع.. وهبعتلك الفلوس

حبارة: الله المستعان.. اسمع يعنى المهم أنت عندك طريقة توصلهملى لحد هنا

الدمياطى: أه عندى أخ هيوصلهم ليك

حبارة: هيوصلهملى لحد هنا

الدمياطى: اه.. لو أحمد يعرف يجينى هنا هبعتهوملك مع أحمد أبو صهيب

حبارة: لا لا لا خلى بالك علشان أبو صهيب.. أنت عارف الوضع.. بلاش بردوا تدخل أبو صهيب فى الخط

الدمياطى: ليه.. إيش فيه عنده

حبارة: بلاش تدخل أبو صهيب فى الخط علشان أبو صهيب.. طبعا أنت عارف كل واحد بيحن لبلده.. ما هو إيه هيقعد يتكلم ويقولك مش عارف إيه.. وإحنا عندنا أولى وإحنا عندنا مش عارف إيه.. القصص اللى انت عارفها دى.. إحنا متفرتكين.. بص بص بص أنا هقولك على حاجة.. اسمعنى والله الذى لا إله غيره.. أقسم باللى رفع السماء بلا عمد أنا لسه شارى بـ1500 جنيه ذخيرة مكملتش 3 أيام أو أربعة أيام.. يمكن مش عاوز أقولك يعنى أبو صهيب مدفعش فيهم جنيه واحد.. فالشاهد فى الكلام محدش ينفع حد.. إحنا هنا فى الساحة عندنا هنا بنموت.. ربنا وحده اللى عالم بينا

الدمياطى: طيب اسمع منى طيب.. ينفع فى حد يعرف يجينى هنا

حبارة: ممممم.. فى حد يعرف يجيلك عندك الله المستعان.. أنت عارف المشكلة فى الجوازات

الدمياطى: واحد نضيف بجواز ليبى.. يا شيخ جواز ليبى جواز ليبى

حبارة: هى دى المشكلة إن مفيش حد عنده الإمكانية.. طيب اسمع أنت مينفعش تبعتهم على واحد

الدمياطى: أنا أقدر أبعتهملك يا شيخ

حبارة: ابعتهم على مرتين أو تلاتة.. كل واحد مختلف.. أنت فاهمنى

الدمياطى: أنا هبعتلك خمسة، ولو وصلوا هبتعلك الخمسة التانيين

حبارة: ممتاز.. فوق الممتاز.. ماشى؟

الدمياطى: طب أقوله إيه عشان نطمن

حبارة: انت هتبعتهم إزاى؟ هتبعتهم فى حوالة؟

الدمياطى: لا لا.. مو حوالة.. فيه أخ هنا هيستلم منى وهيسلمهم هناك.. أنت اتصل عليه تقوله بالاستلام هيديلوا الفلوس ويمشى

حبارة: طب خلاص ماشى.. أنا هجبلك اسم الأخ دلوقتى ورقم تليفونه تتواصل معاه.. توصله الفلوس وأنا هتصل عليك فهمنى.. أنا هتصل عليه.. وهقوله لو وصلك كذا كذا كذا رن عليا.. إيه رأيك؟

الدمياطى: الله المستعان

حبارة: خلاص ماشى الله المستعان.. ماشى أنا هكلمه

الدمياطى: أبو عائشة

حبارة: أيوه يا حبيبى أيوه

الدمياطى: عاوزك يا أبو عائشة تطول رقبتى.. وعاوزك تعمل فيديو وتبعتهولنا

حبارة: بص بص أنا أقسم بالله العظيم أنا لو هضحى بنفسى مخصوص.. أول حاجة إحنا بنتعامل مع الله عز وجل ورقم اتنين لو كنت أنت عاهدت على أبو عائشة الكذب فمفيش مشكلة تتعامل معاه من البداية أفضل

الدمياطى: اسمع منى أنا عاوزك تعمل فيديو وتنشره على الإنترنت.. وتبعتلى الرابط بتاعه وتقول إيه.. تقول إحنا دولة الإسلام فى العراق والشام ونبايع أبو بكر البغدادى على دولة الإسلام

حبارة: تمام تمام.. ممتاز ممتاز

الدمياطى: اسأل الشباب بتاعك وزبط حالك.. وهبعتلك اللى أنت عاوزه

حبارة: ماشى يا حبيبى توكل على الله .. الله المستعان.. نسأل الله العظيم رب العرش العظيم أن ييسر لنا أمورنا اللهم أمين يا رب العالمين

الدمياطى: اللهم أمين .. اللهم يسرلك أمرك

حبارة: والله إن شاء الله بإذن الله يا عموره.. شكلك كده إن شاء الله هخليك تنزل وتقعد معايا بإذن الله عز وجل ربك ييسر

الدمياطى: خلاص يا عم بقيت مطلوب دوليا هيمسكونى.. ولو رحت تركيا هيمسكونى

حبارة: ههههههه واحشنى يا ابن اللذينا أقسم بالله

الدمياطى: الحمد لله ربنا تاب عليا ومن عليا بمجلس شورى الدعوة يا عم الشيخ

حبارة: أسأل الله العظيم رب العرش العظيم أن يحفظك بحفظه اللهم أمين يا رب العالمين.. ياما اتمنيت إن أنا أجيلك ومعرفتش بس على العموم ربنا فتحها عندنا أهو الحمد لله ربك ييسر الحال.. أنا هجيب نت

الدمياطى: أنا ممكن أبعتلك جواز من عندنا هنا.. أظبطلك أصبر يا أبو عائشة.. أصبر ممكن أبعتلك جواز سفر متقلقش

حبارة: يا ريت أقسم بالله

الدمياطى: عاوز الشغل يشتغل عندكم

حبارة: أهم حاجة متربطنيش بخط أبو صهيب.. خلى أبو صهيب مع نفسه، وأنا مع نفسى علشان أنا أدرى بالوضع.. ماشى يا حبيبى يعنى خلى خطى بينك وبينى لا يعلمه إلا الله عز وجل.. ماشى؟

الدمياطى: أصلى أنا اتكلمت معاه النهارده، وقالى أنا كنت مع أبو عائشة وكنا شغالين و25 عسكرى مش عارف إيه!

حبارة: بس بس بس.. هههه.. أنا بقولك متشغلنيش معاه علشان هو أصلا فضيحة فضحية

الدمياطى: المهم أنت معاك أسلحتك وشبابك وأمورك متنظمة

حبارة: بإذن الله.. موجود موجود موجود بإذن الله عز وجل

الدمياطى: أنا مش عاوز منك إلا بس حاجة.. تعلن دولة الإسلام على فيديو ووراك الراية السوداء، وتكتب عليها دولة الإسلام فى العراق والشام.. ونحن من داخل أرض الكنانة نعلن مبايعتنا لأبو بكر البغدادى

حبارة: إن شاء الله عز وجل.. اسمع.. إن شاء الله جماعة المهاجرين والأنصار تعلن مبايعتها لأبو بكر أمير دولة العراق الإسلامية فى العراق والشام.. ماشى؟

الدمياطى: جماعة المهاجرين والأنصار فين فين؟ فى أرض الكنانة

حبارة: آه فى أرض الكنانة

الدمياطى: الكتيبة بتاعتى اسمها جيش المهاجرين والأنصار

حبارة: ماشى.. ما أنا هعمل جيش المهاجرين والأنصار بإذن الله عز وجل

الدمياطى: هتكتب إيه؟

حبارة: أنا عارف أنا هكتب إيه وهظبطلك الدنيا.. أنا هظبطك أنا هههههه.. ربك ييسر الخير إن شاء الله عز وجل بس الدعاء الدعاء.. بص أنا عندى فكرة حلوة .. أنا هرفع الفيديو وأكلمك تاخده أنت تظبطه وبعدين ترفعه أنت من عندك.. إيه رأيك؟ علشان أنا معنديش الأخ اللى أنا معتمد عليهم أو المهندسين اللى معتمد عليهم وبيفهموا فى الكمبيوتر علشان كلهم مسافرين.. ماشى

الدمياطى: طيب ماشى هتبعتهولى إزاى؟ ابعت الفيديو على الصفحة بتاعتك مش أنا بعتلك عليها الفيلم

حبارة: أنت عملت أعجبنى على الفريضة الغائبة

الدمياطى: معرفش والله أنا بعتلك رسالة خاصة قلتلك يا عادل لو أنت معاك عمرو الدمياطى.. عايزك للضرورة ضرورة ضرورة

حبارة: الفريضة الغائبة.. بقولك على الفريضة الغائبة

الدمياطى: الفريضة الغائبة يا عم الشيخ

حبارة: ميه الميه.. دخلت عليها أنت لقيت الصفحة صورة الصفحة اللى هو الملياردير المجاهد

الدمياطى: آه صورة الشيخ

حبارة: صورة الشيخ أسامة

الدمياطى: أيوه لأن كلهم جروبات يا شيخ

حبارة: بس ميه ميه.. هى دى تمام تمام تمام.. طيب إن شاء الله عز وجل،، النهارده هسعى جاهدا إن أنا أجيب نت.. وإن أنا أحاول أتواصل معاك

الدمياطى: افتح النت ولما تلاقى الصورة بتاعتى هتعرف

حبارة: ميه الميه.. أنا هحاول أظبط الأمور وأبعتلك الفيديو على طول.