بالفيديو.. «هاني شاكر» ينهار من البكاء على الهواء

لم يتمالك أمير الغناء العربي هاني شاكر دموعه بعدما شاهد مقطعاً مصوراً لحفيديه مجدي ومليكة، وجها فيه رسالة حب لجدهما الذي تولى رعايتهما بعد رحيل والدتهما دينا بسبب المرض الخبيث، وأكد هاني أن حفيديه أصبحا كل حياته، وأنه يتعلم منهما يومياً الصبر وطول البال.
وأضاف خلال لقائه في برنامج “الستات ميعرفوش يكدبوا” على قناة Cbc قائلا: “زوجتي نهلة بتعمل معاهم مجهود جبار، وأحفادي كانوا بيستغربوا لما الناس كانت في الشارع يسلموا عليه، لكن فهموا اني مطرب، وأي حد بيتصور معايا بلاقيهم إجباري يتصوروا هما كمان”.
نقيب الموسيقيين المصريين نفى أثناء الحوار كل ما تردد عن عزمه التمهيد لتقديم ابنه شريف خليفة له على عرش الغناء، مشيراً الى انه لا يهوى الغناء، ويعشق رياضة سباق الدراجات النارية والسيارات.
وكشف شاكر للمرة الأولى تفاصيل التعرف على زوجته نهلة مؤكدا أنه شاهدها للمرة الأولى من خلال أحد الفيديوهات في فرح كان يفترض أن يذهب إليه، واضاف: شفتها في الفيديو قولت مين دي أنا عايز أتعرف عليها، وشها كان مريح قوي بالنسبة لي وكل حاجة فيها عجبتني.. بعدها تم الاتفاق على ميعاد مدبر طبعًا لما اتكلمت معاها خدتني أكتر.
وقال: الاختيار كان صائباً والنظرة اللي شدتني ليها في الأول كانت في محلها، طلعت متكلمة ودمها خفيف وفيها حاجات كتير مني وبينا حاجات مشتركة كتير مثل عشق مشاهدة أفلام الرعب.. عشان كده بقينا أصحاب مش أزواج بس وهو ده اللي بيعيش.
وأكد هاني شاكر أن اللقطة الحلوة في الجواز هي الجميل اللي أهل العروسة بيعملوه مع العريس زي الكلمة الحلوة والتفهم ومراعاة الظروف.. وده اللي لقيته مع أهل مراتي، عشان كده نهلة في عيني مش عشان بحبها بس عشان خاطر تقدير أهلها لي في أي موقف”.