باسم يوسف عن أبو تريكه: شجاع وربنا يكون في عونه ويخفف عليه هو وكل اللي متاخدين ظلم

تعاطف الإعلامي الساخر باسم يوسف، مع لاعب النادي الأهلي والمنتخب السابق محمد أبو تريكة، بعد تحويله للنيابة العامة بتهمة تمويل جماعة إرهابية.

وقال باسم عبر صفحته الرسمية على موقع التواصل الاجتماعي “فيس بوك”، أمس، السبت: “ردا على سؤال في آخر لقاء تلفزيوني ليه ما قعدتش في البلد دي زي أبو تريكة؟ قلت إني باحييه على شجاعته بس أنا ما أقدرش أخاطر وأعرض أهلي للخطر ناس زايدت، وقالت أن أنا ببالغ و باهول”.

وأضاف “أبو تريكة بيدفع تمن قعاده في البلد النهاردة أتحول للنيابة بتهمة تمويل جماعة إرهابية تهمة جاهزة ومحفوظة أبو تريكة ما عملش حاجة غير أنه كان بيفرحنا كل مرة بيلمس فيها الكورة.. وبرة الملعب وموقفه بعد مذبحة بورسعيد كان أكتر من محترم”.

وتابع “ربنا يكون في عونه ويخفف عليه هو و كل اللي متاخدين ظلم.. بالنسبة للتعليقات بقى بتاعة أنه راجل وأنت جبان وهربت و كدة.. لو أنت مش قاعد بتكتب التعليق ده من جوه زنزانة في سجن العقرب يبقى ياريت تخلي شجاعتك المزعومة دي لنفسك”.