شاهد|رد “السقا” على الساخرين منه!!

السقا، قال عبر صفحته الشخصية بموقع “فيس بوك“: “تعقيبا على مكالمة الأمس مع الأعلامى وائل الإبراشي….كل ما أعنيه إن اللي شاف مش زى اللي سمع..أنا مش رامبو كما سخر منى البعض ولا أنا ضابط شرطة ولا جيش ولا دكتور ولا مهندس أنا إنسان نفسه بلده اللي اتربى وكبر فيها تبقى أحلى حاجه ف العالم عشاننا وعشان أهالينا وأبنائنا وعشان إحنا ناس طيبين بالفطرة”.

وأضاف: “جربنا كل حاجة يا مصريين..مفيهاش حاجة لو نجرب نرجع منتخب مصر بدل ماحنا فرق ضعيفة..ويشهد الله أنا لست من الباحثين عن مجد وصوت عالي أنا نفسي أشوف ولاد بلدي ف حضن بعض زى الأول…إحنا رجالة يا مصريين وحاشا لله أن أميز نفسي واتمنظر “على حد تعبير البعض”، أنا مواطن مصري عادي ومصر كلها رجالة وقت الشدة بتبان وبنتحامى فيهم..اللهم ألف قلبنا يا مصريين رجال وسيدات شباب وشابات صبيان وبنات”.

يذكر أن الفنان أحمد السقا، قال خلال مداخلة هاتفية لبرنامج “العاشرة مساءً”، إن ما يحدث من عمليات إرهابية لا يمت للدين الإسلامي بصلة.. مصر آمنة بقوة لا إله إلا الله”، لافتًا إلى مقتل ألفي شهيد منهم اثنان من أصدقائه ماتا في يوم واحد.

وأضاف السقا: “نحتسبهم عند الله من الشهداء، والموضوع مش أخوة في الإسلام والإيمان والوطن فقط، ولكنها حرب خارجية علينا، واتقوا الله واللي بيعملوا كدة مش مصريين، وقتل للنفس التي حرم الله إلا بالحق ومصر آمنة ليوم الدين.. ومش هسكت على اللي بيحصل، ونتكلم بما يرضى الله، ومرجعيتنا من القرآن والإنجيل، حتى اليهودي ربنا ماقلش كدة في كتابه، واللي بيعمل كدة جهات منساقة ويتحكم فيها الجهل”.