«شريف منير» ناعياً «ممدوح عبد العليم»: كان البنبوناية بتاعتنا.. طول عمره أخلاقه عالية

وكتب “منير”، عبر حسابه الخاص بموقع التواصل الاجتماعى “فيسبوك”:”صحيح ماكناش بنتقابل بشكل منتظم .. وصحيح كنّا بتقابل فى مناسبات .. وده فى الخمس أو ست سنين إللى فاتوا .. لكن الصدمة رجَّعتنى سنين كتيرة .. من أيام ما كنت طالب فى المعهد العالى للفنون المسرحية .. كانت قعدتى ديماً فى معهد السينما .. أصحابى أغلبهم هناك .. شريف عرفة وسعيد حامد والله يرحمه المنتج ماجد موافى .. و..و…و .. أصحاب كتير .. وكان ممدوح عبد العليم .. كان موجود فى معهد السينما يومياً .. وكنا شلة واحدة .. بنحب بعض جداً .. وكانوا حقيقى مبدعين من و هما طلبة “.

وأضاف: “ممدوح كان البنبوناية بتاعتنا .. طول عمره أخلاقه عالية .. محترم .. حنون .. صاحب مبدأ .. بار بأهله جداً .. صاحب صاحبه .. عيشنا فى بيوت بعض .. وأكلنا من طبق واحد .. وقربت منه أكتر فى ليالى الحلمية .. وقف جنبى وشجّعنى وعلمنى الحرفية قدام الكاميرا .. وكان كريم جداً .. الله يرحمك ياممدوح “.

وتابع: “حقيقى أنا حزين جداً .. و مصدوم .. إنَّا لله وإنا إليه راچعون .. اللهم ثبّته عند السؤال .. اللهم نقهِ من الخطايا كما يُنقى الثوب الأبيض من الدنس .. اللهم باعد بينه وبين خطاياه كما باعدت بين المشرق والمغرب .. اللهم إغسله من الخطايا بالماءِ والثلج والبَرَد .. اللهم أنِر له فى قبره مد بصرهِ .. اللهم تقبل صلاته وصيامه .. وثقل ميزان حسناته .. اللهم صبر أسرته .. آمين يا رب .”.