بائع السيراميك يعطل المرور في شارع الجيزة

وأضاف: “العقار الوحيد الممنوع انتظار السيارات امامه بشارع النيل الموازي لنيل الجيزة من اول مسرح البالون فى العجوزة لحد أخر شارع مراد فى الجيزة هو العقار رقم ١١٤ شارع النيل قبل نفق وميدان الجلاء على اليمين وإنته رايح الجيزة طبعا، العقار لا هو منشأة هامة او حكومية او سفارة او محل سكن مسئول مهم حياته مستهدفة ! “.

وتابع: “اللافتات والسلاسل الموضوعة امام العقار شكلها كده معمولة تحت بير السلم، وده شجعني اسأل .. هي الفيللا دي بتاعة مين ؟

فرد احد الاشخاص بفخر وسعادة وقال : يابيه الفيلا دي بتاعة الحاج محمد محمد محمد ابو العينين بتاع السيراميك، واللي كان عضو في مجلس الشعب ايام الرئيس مبارك واللي عمل تهنئة علي صفحة كاملة في الجرايد للرئيس مرسي لما بقي رئيس واللي بيطلع في التلفزيون في المؤتمرات الصحفية اللي بيعملها الرئيس السيسي بره مصر، والحاج كمان من اللي دفعوا فلوس كتير في حفلة افتتاح قناة السويس الجديدة !

محافظ الجيزة ومدير المرور ؟!

اكيد الحاج محمد محمد محمد ابو العينين من حقه يتهيألوا انوا ممكن ياخد شارع مهم زي شارع النيل لحسابوا ويمنع اي عربية تقف ادام فيلته، انما احنا كمان من حقنا نسأل السيد محافظ الجيزة واللواء مدير المرور هو حضراتكم ما بتعدوش من شارع النيل خالص واللا بتعدوا وما بتاخدوش بالكوا ولا مكسوفين من الحاج !!”.