“أصالة” تعتذر وتعترف بالخطأ!

أصالة، قالت عبر صفحتها الشخصية بموقع “إنستجرام”: “من كام يوم وأنا راجعة من شرم الشيخ للقاهرة وأول ما دخلنا الطيارة نام علي إبني وما بقدر حطه على مقعده فحطيته بحضني وطلبت من المضيفة تجبلي بطانية فراحت شي ثانية ورجعتلي بطريقه سئيله تقلّي ماعنا بطانية فقلتلها باستغراب طب ممكن تحاولي تلاقيلي وخصوصاً وأنا كثيرة السفر ودائماً لازم أطلب بطانية لأفرشها على الكرسي لأشعر براحة أكتر وبطانية تانية أتغطى فيها ودائماً البطانية موجودة بكل طيران بالعالم”.

وأضافت: “راحت فيمتو ثانية ورجعتلي بطريقة أسئل من الأولانيه بعتذر مافيش، امتعضت على قول الأفلام التاريخية وحسيت إني محتاجه وبودّي أضربها كف ولقيت مضيفه تانية مارقة من جنبي فقلتلها بمنتهى الترجي أرجوكي ممكن تشوفيلي بطانية قامت راحت عند الأولانية تقلها طلبي، طبعاً كتير تضايقت منها وخصوصاً إنها رجعتلي من عند رفيقتها تأكدلي أنه ما في بطانية ! فقلتلها ممكن تناديلي السوبر ڤايزر فإجا رئيس الأمن ولكن ماهمني مع مين رح أحكي بس المهم أحكي حكاية البطانية وعدم تعاون المضيفات معي عدا عن طريقة وحده منهم اللي عّم تعاملني وكأنها مابتعرفني وقلت لحالي والله لورجيها وطلبت منه يلاقيلي بأي طريقة بطانية غطي إبني فيها، فعطاني بطانية وقلّي معليش مافي غيرها وأنا صليت عليها وماحبوا البنات يعطوكي ياها لأنها كانت عالأرض ويمكن توسخت لو بدك إتفضليها فأخدتها وقلتله أحسن من ما في وكان لازم المضيفات يجيبولي ياها ويسألوني وحاولت وأنا نازله من الطيارة آخد اسمينهم واشتكي عليهم وأكتب مقاله عنهم بهدلهم وماعرفت جيب الأسماء ووصلنا المطار وتيتو ساكت ما قال ولا كلمه وأنا عم بتخاتق ومعصبه فسألته ليش ماعم تحكي معي وليش ما دافعت عني بالموقف البايخ اللي صار معي!”.

وتابعت: “فقالّي إني أنا الغريبة وأنا الغلطانة وإني صنعت موقف غاية بالسخف وإني لم أقدر وجود ولادي وإنه مابده يقول أكتر من هيك!!! وأنا بحالة ذهول لتطابق كلامه مع شعور ضميري اللي كان بحرب مع شعور شهرتي.. طريقتي بطلب البطانية أصلاً كان بلا تقدير فجاء الرد طبيعياً للطلب بل أكثر تهذيباً مما يجب وطلبي من الأخرى كان أكثر غرابه من اللي سبقه ولكن بكلمات تشبه المهذبة بطريقة مستفزه وأيضاً إجا الرد عادي على الموقف ولما إجا الزلمه تبع الأمن مشحون من اللي صار أكيد طبيعي ما يعبرلي عن محبه أو ثناء لأحد أعمالي.. أنا أخطأت وأقدم اعتذاري وأرجو أن لا يتكرر ذلك معي كي لا أفقدني واعتذاري الأكبر لمضيفات مصر الطيران”.