فن
على ربيع: ما بخافش من عادل إمام
قال الفنان الصاعد علي ربيع، خلال المؤتمر الصحفي الذي عقد منذ أيام حول تأسييس فرقة “مسرح مصر”، وتقديمها عروض مسرحية أسبوعية على شاشة “إم بي سي مصر” قريباً، أن: “لما وقفت مع أستاذ عادل إمام ماخوفتش طبعاً، أنا اصلا مبسوط إن أنا رايح أشوفه الواحد لما يروح يشوف حاجة نفسه يشوفها المفروض بيبقى مبسوط المفروش ما يخافش”.
وأضاف: “روحت أنا قعدت مع الأستاذ عادل والحمد لله كل ما بروح بيندهلي ويقعد معايا ويقعد يقولي حاجات أعملها وبتاع، قعد يقولي الناس بتحبك أوي فحافظ على ده وأعمل دايماً حاجات حلوة. كان دايماً بيقولي كده”.
وتابع: “أنا اتعلمت م الناس دي. ناس كبيرة واتعلمت منهم عشان بعد كده بقى أعرف أنا هعمل إيه إن شاء الله”.
وأختتم كلامه قائلاً: “إن شاء الله في السينما في فيلم إنتاج أحمد السبكي بإذن الله وبطولتي كريم فهمي وأنا. أو أنا وكريم فهمي أي حاجة. وكل سنة وانتوا طيبين بمناسبة العيد الصغير”.
