رد “الميرغني” على هجوم “مرتضى منصور”!

وكتب الميرغني عبر صفحته الشخصية على “فيس بوك” :

“أولا: بتأسف علشان مش قادر أرد على الرسايل علشان كتير بجد.

ثانيا: بالنسبة لحلقة امبارح أنا كنت عارف و كان طبيعي إنهم يجيبوا مكالمات ضدي في الرأي وكنت عارف إن كابتن عزمي مجاهد هيعمل مداخلة وأستاذ وائل الإبراشي اتأسفلي بعد الحلقة على اللي قاله مرتضى منصور ده بس علشان أكون قلت الحقيقة وأنا شايف إنه كان معايا مش ضدي.

ثالثا: أنا أبويا كان مدير عام العلاقات التجارية لقطاع غرب القاهرة في الشركة المصرية للاتصالات مش كان عامل في نادي الزمالك وده بس للتوضيح مش أكتر.

رابعا: أنا بشكر كل الناس اللي وقف معايا وبجد مش عارف أقول إيه و كمان أنا بس عاوز أقول أنا الحمد لله أبويا وأمي ربوني كويس بس برضه أنا مش مثالي أنا بغلط عادي جدا.
آخر حاجة في صفحات كتير باسمي اتعملت أحب أشكر اللي عملهم بس أنا معرفش هما مين بس الكلام اللي هنا هو بس اللي على لساني.