قصيدة لـ«كواعب البراهمى»

مصر

يا معني العزة والكرامة يا بلدي

يا جيش خلاني رافع بيكي الراس

يا كل الحب والحنية يا وطني

يا كل قلوب مليانة دفا وإحساس

تحية مني لكل نسر في جيشك

تحية كلها ود ورضا وإخلاص

دموعي من الفرح نزلت علي بابك

زي ما نامت يوم الحزن في ترابك

وأتوضيت وصليت علي أعتابك

حمد وشكر لك يا وطن حمي وحراس

وتحية لكل ولد شايل همك علي اكتافه

وللي بيزرع في البلد كل حماس

وفرحة في قلبي حسيتها

وشايلاها لقائد قلبه زي الماس

انت فجر لأيامنا عشان نصحي

ونبقي كلنا واحد عشان بكره

ونتوحد و لو أختلف عليك الناس