بالفيديو.. “أسامة كمال” يفتتح برنامجه بقصيدة كتبها للشهيد

وقال “كمال” في القصيدة التي أذاعها من خلال برنامجه “القاهرة 360” والمذاع على فضائية القاهرة والناس..

مين هو الشهيد يا ناس

اللي قطع طريق وداس ع الناس

وللا اللي وقف مع صحابه للوطن حراس

مين الشهيد يا أصحاب العقول والادراك

اللي رفع سلاح ضرب واحد واقف في شباك

وللا اللي استغثت بيه جري عليك ولباك

الشهيد ماحمرش عنيه لحد من ولاد بلده

وكان دايما للملهوف والمحتاج هو سنده

وعمره ما راح باسم الله ع البرئ ودبح وجلده

يا شهيد يا بن مصر ياللي فاضل ف القلوب

قابلت ربك ربك فرحان وخالي م الذنوب

حقك تفرح وتشفع لأهلك عند علام الغيوب

أمك وأبوك واخواتك هيكونوا جوة عنينا 

متخافش.. حقك هنجيبه ودة دين واجب علينا

ودمك ماراحش هدر دة روى تراب سينا